Fire the Grid 救救地球冥想活動後感

2007年7月17日下午11:10公開累積瀏覽 195

 

今次的聚會, 好明顯係響應前文所提的"補天"計劃 --- Healing the Planet(至少係我嘅字典係咁)

本來book好另一聚會地方, 但往往世事難料, 始終還是去了老師果度... 今次的經歷, 真係唔知點形容好, 從來未試過, energy flow咁....真實, 比起平時老師所帶的冥想練習, 嚟得強勁, 哈哈...奇實可能係兩樣嘢, 當我哋做的時侯, 我觀賞到好大團白光從天花板打落大形水晶陣度, 然後圍繞咗我哋, 好宏偉呀!

聚會還有一位會做Channelling的老師, 佢用咗一D方法Channel咗higher spirit同我哋講嘢 (sorry呀我唔記得佢叫乜名呀...), 非常攪笑一開始叫我哋千祈唔好問佢哋係咪外星人, 呢個世界有冇神, 呢度唔係論壇 (嘩, 我心唸你又知我會第一件事問E樣嘅? 我知我又雲海上身架啦, 哈哈哈...) 仲話叫我哋唔好以為做spiritual嘢唔講錢, 佢話冇錢點辦事呀? 上面D higher spirit好明架, 錢對我哋(人)係重要架....之後講D多謝我哋今晚嘅付出, 我哋嘅愛上面收到啦, 佢哋會做嘢, 未來曰子我哋會感受到改變...(大致係咁啦). 當我哋接收訊息時, 我感到個房D energy好震, 成個人好似放緊電咁. 而位higher spirit走時, 個人感覺就好似...拉開咗兩個叠埋嘅膠盤咁... "pok"一聲...條cord比人unplug咗咁.

最後, 參加者每人都輪樓抽4-5套咭, 至於我果套, 經老師解讀, 個人認為都好準呢 (見到其中一D係同動物有關架) ^^

原來, 集體念力可以咁powerful架 (全球性於同一國際時間冥想), 下次都唔知有冇E D機會啦