貴婦仔仔亞貴

2006年10月22日下午4:57只有我累積瀏覽 04

 

主人 : 嫻媽媽

年齡 : 3+歲

做咁多次動物傳心術, 今次都可以算係要頒個最佳浪漫獎比亞貴啦, 亞貴係一個好識唸, 充滿浪漫的狗, 同佢傾傾吓, 佢竟然變咗一個三十出頭嘅男人(老實講, 幾靚仔架, 有小小電影明星梁X偉果D味道, 哈哈!). 佢話我知, 佢同主人前幾生係母子同男女朋友關係, 亞貴知道, 佢同主人深深愛着對方, 希望永不分離!

佢雖然而家條腰對落果個位(佢比picture我,大慨係果度)仲係見痛, 本來佢係開心小狗, 但由於行行吓又痛, 企起身又痛, 又影响咗盆骨個位(佢比picture我,大慨係果度)見痛, 所以乜嘢心機都冇曬.

其實, 佢以前好享受落街玩同跑步, 鍾意草地, 球場等…佢知而家要做呢D嘢係冇乜可能, 但係,佢希望可以同媽媽單獨散散步, 响草地坐一下, 享受大自然, 抱抱錫錫, 希望主人多D陪伴

亞貴希望我可以同媽媽講, 佢有幾咁愛佢, 佢唔忍心見到媽媽因為佢, 令媽媽擔心同流淚, 為此,令亞貴感到好內疚同好難受…佢多麽希望可以多D陪伴主人, 捉實佢雙手安慰佢. 佢要你知道,佢情况唔係想像中咁壞, 佢唔要你擔心, 佢有信心, 你都要有! 前生你哋曾經渡過無數難關, 佢希望今生你要對大家有信心!

已代你同佢講I love you同安慰嘅說話架啦.

Pom: 嫻媽媽, 你一定要努力, 加油!!! 假如需要乜嘢重要決定, 我鼓勵去找另一位獸醫聽取第二意見.