2007年2月11日(星期日) 東 區 寵 物 創 和 諧 - 動物傳意術介紹會

2007年2月12日下午10:31公開累積瀏覽 52

 

活動地點Venue：小西灣海濱花園硬地足球場(藍灣半島側)

呢個活動終於响一個”風”和日麗嘅日子結束. 尋日, 除咗負責上台講動物傳意術外, 我仲負責幫手召集所有有份演講單位上台準備, 做藝人嘉賓嘅臨時"保母", 同做狗狗裝扮比賽嘅評判. 哈, 咁多年嚟, 我同Kitty都係比人審(各類型比賽嘅參賽者), 始終原來做評判舒服得多! 所以, 尋日係忙到嘔白泡, 好攰, 但又好好玩呢

雖然個人感覺, 個場地冇地鐵到, 都係唔係太方便, 但原來嚟嘅人都唔太少, 最開心就係, 真係有人(我估唔到嘅一個盟友, 某動物團體嘅負責人, 絕對唔係因為棒我場而嚟, 因尋日佢自己都忙到死), 竟然好用心去聽! 因為, 我成日唸, 有多D動物團體如果肯用傳意術去幫被遺棄動物就好啦,起馬可以了解到點解佢哋有咁多負面情緒, 從而希望幫到佢哋呀…好難得佢有興趣去讀,我100%支持!!!

仲有, 尋日見到南丫島動物保護組織 (http://www.lammaanimals.org/)嘅Jenny同不殺之都聯盟 No Kill City Forum (http://www.hknokillcity.org/) 嘅主持人 Dr. John. 佢哋為動物福利界所付出嘅努力, 我個人就佩服之至! 如果大家身邊有親友想頜養動物嘅話, Jenny個邊話唔定可以幫到手架 (不過如果要接收動物的話, 因佢哋資源有限, 就唔好打擾佢哋啦, 哈哈哈…) 所以, 我已把1-2月份(載至2月11日)大家比我嘅錢, 10%捐咗比佢哋啦, 我代表佢哋多謝大家!!