5月27日尖洲潛水之旅

2007年5月28日下午10:00公開累積瀏覽 4711

 

5月27日, 黃色暴雨加上雷暴, 心想我嘅第一次出海游玩日必定玩完啦, 又會stupid到自己一個參加潛水本地團, 自己又技不如人, 唉...

當日, 早上8:30am於西貢碼頭集合, 14人一起出發了. 船程用了一個多小時, 其間, 教練把各人 + 潛點介紹了, 到了約10:30am我們一行人準備落水. 由於今次係去參觀全港最大的海葵林+小丑魚群, 所以果度係唔比大船入架, 所以我哋只可以比人用快艇於水底拖行, 好好玩呢

新牌仔, 心情難免緊張, 好在教練安排比我個buddy, 有10年潛水經驗, 佢好好人, 好細心呢! 我哋見到起瑪以百計條魚, 大部份十分colorful, 有好多好多小丑同連棉不斷的海葵, D 小丑魚可以大到成隻手掌咁大呀! 仲見到一隻有如小臉盤咁大的海星呀, 又見到隻蟹反轉咗比隻海螺食, 見佢爭扎緊, 對鉗又冇埋, 我哋多事地"救"咗佢, 把隻蟹反返轉

之後有小小時間可以"定"落嚟, 試吓同D魚傾吓, 不過D魚游得太快啦, 只可以get到幾句咋:

pom: 你哋怕唔怕人架? 感覺點呢?

小丑魚1: 我哋都見過人架啦, 唔好攪到我住嘅地方就得架啦

pom: (見有2條魚成曰一齊) 點解你哋成日游埋一齊架呢?

小丑魚2: 我鍾意佢囉

pom: (見有條魚有好幾次游過嚟) 點解你咁八架?

小丑魚3: 想睇吓你係乜囉, 喂, 唔好埋嚟呀, 我走!

發覺D魚原來答得比較簡單, 今次得咁多咋, 唔知我走後會唔會比佢哋笑我潛得屎呢?   希望下次我潛得好D時可以傾耐D啦

今次其實仲有D收獲架, 就係...識咗一班新朋友啦, 我哋仲相約咗今個星期去食飯添