西施仔仔Baby哥和西施仔仔賓賓

2007年3月28日下午9:32只有我累積瀏覽 08

 

賓賓

Baby哥

你們好,

我叫呀儀, 我係兩隻狗狗的家姐呀, 大的叫baby, 細的叫賓賓, 牠們都是西施狗, 因為最近baby哥唔舒服, 所以想透過你們的協助我們去了解牠. 牠看了醫生, 已經好d啦.

狗狗名稱: baby哥                            

年齡: 15age

性別: 男

其他資料: 當時大約在牠兩個月大, 家人買回家養.

狗狗名稱: 賓賓    

年齡: 14age

性別: 男

其他資料: 當時大約在牠十個月大, 我在街看到街招找有愛心的人, 500元出售小狗, 當時我就去買了牠回家陪baby, 牠之前的主人因為有潔癖, 所以出售. 

呀儀,

多謝你來信, 令我認識到呢兩位小朋友, 經過一輪談話, 我感到佢哋D性恪真係好唔同, 一個比較古董,一個可以咁活耀, 但係佢哋只有一年之差, 真係好攪笑呀, 哈哈…!

問題:

1.      想問baby哥最喜歡家中哪一位成員.

我picture到一對較年長夫婦, 我估佢都係最鍚 (經和你電話證實, 原來真係唔係你, hahaha), 媽媽會比較温柔, 佢成日講故事, baby都鍾意聽架, 而爸爸就請嘢佢食, 可惜….鬧起人時很惡, 所以又愛又怕, 加上佢係一家之主, 做吓跟班都可能多D著數. (pom: 哈, 又醒喎!)

2.      想問baby哥最近哪裡最唔舒服.?

心! 個心好脹+痛, 加上呼吸辛苦. 可能年紀大, 行得唔太好, 佢話有時D關節有D冤呀. 佢初時話唔鍾意食藥, 咁我話:食咗係咪好D呀? 佢話好D, 我話小朋友唔可以咁架, 唔食藥爸爸媽咪會好傷心架, 明唔明呀? Baby話明, 希望佢會聽啦.

p.s. Pom: 最近我學咗D靈氣療法(有關資料請參考我blog), 我頭先比咗D reiki佢, 希望幫到佢啦

3.      想問baby哥有咩想和我們屋企人講.

我知我年紀大, 好快就會離開你哋, 好怕賓賓唔識照顧你哋, 所以我成日同佢講, 又比佢打, 佢又唔明又脾氣差, 唉…好似以為我唔會死咁.

好懷念我細時D情景, 帶我出街, 跑, 仲整爛D嘢, 比爸爸打, 好多謝你哋比咗D咁開心的回億我, 其實,年紀大, 離去並唔係D咩, 好希望你哋唔好太難過, 我有機會我一定會返嚟E個家, 我冇後悔生活係度

4.      想傅遞一個訊息比baby哥, 話比牠知我們好錫牠, 希望牠快ｄ好返.

佢知啦

5.      想問賓賓有咩想和我們屋企人講.

叫Baby唔好咁囉唆

6.      想問賓賓點解成日打baby哥.

都話咗佢囉唆囉, 仲問? (pom: 乜你咁架…)

7. 想傅遞一個訊息比賓賓叫牠唔好打baby哥, 因為baby哥年紀大啦, 其實家人同baby哥都好錫牠, 希望牠唔好成日太惡啦.(因為賓賓一見其牠狗, 就會<胡胡>d狗,

好唔友善, 無論大狗, 細狗都是這樣.)

我講咗啦….不過, 佢話佢覺得惡咗先, 人哋就唔會蝦佢呀…唉

owner’s feedback:

21/3/2007

早晨, Pom,

其實我好多謝你, 因為你百忙中都抽時間和我兩隻狗傾心事, 等我可以

好快知牠們的情況, 真係唔該.

其實baby日真係好驚, 牠叫了兩聲(好慘叫聲)就冇聲, 好彩我和爸爸好快起

身出去看牠, 牠已經沒了心跳, 我爸爸和牠壓個心, 牠慢慢張開眼, 即刻同牠去

睇醫生, 話牠心臟病發, 現在長期食藥, 由日開始我們一聽到牠叫, 就會即刻

起身出去看牠, 搞到精神好緊張呀.

噚日屋企人聽到我話你打比我, 他們好搞笑個個都問有冇提我有冇提我,

由其是我細佬問我點解唔話比你知牠們有哥哥, 睇有咩同他話, 哈哈.

儀

23/3/2007

你問我介唔介意你post牠們case在你的blog到, 緊係no, no, no, no problem, 其實可以如其他人分享, 係好開心的事,  同時Pom姐姐咁錫牠們, 所以冇問題呀.

如果你post之後, 可唔可以話我知, 等我去睇. Thanks

***儀, 我而家嘗試用靈氣冶療同水晶陣幫Baby, 但E D都係輔助性質, 請千萬不要放棄就醫或藥物, 我會陪你一起努力! 算是小妹給Baby的一點心意!

29/3/2007

Hi, Pom,

Baby哥好返d啦, 打支針, 醫生話牠會時好時懷, 但噚日開始好d,

多謝你幫牠, 我們初初喂牠食藥夾在d食物到, 但現在牠已經知道了,

現在好有介心, 由其是對我和爸爸介心大d, 比牠食, 牠會等, 玩先食, 有時寸到唔食, 真的聰明呀. 所以爸爸話唔好再用這個方法, 話怕牠唔食, 就

大鑊啦, 牠已經好鬼瘦, 所以現在爸爸喂藥要格硬來, 真係看到都覺得牠好辛

苦呀. 但冇計啦.

係喇, 我睇你個blog, 咪有d人回應, 看完之後好開心, ...

Pom 真係唔該.

Yee

 

13/4/2007:

Hi Pom,

 

Baby 前幾日差d, 我們估牠是骨痛, 但今天好ｄ啦,  我們覺得賓仔同你傾

完計之後真係乖左喎, 牠們都Friend左,  我有相可以正明. 哈哈.

 

Yee