松鼠女女BB

2006年10月27日下午8:36只有我累積瀏覽 00

 

主人 : Midco

年齡 : 14+歲

Pomeranian,

我想請妳幫幫忙呀：比比佢今年十四歲，係女架。佢自從幾個月前大病好番後變得特別嗲，仲成日都吠我；仲有我好心既係佢呢輪成日都甩毛吾知佢身體係咪有吾舒服呢？？已然睇左幾次醫生話佢冇事。<

問題 :

1/ 點解成日吠；

2/ 有冇吾舒服；

3/ 會吾會吾開心呢？？

請幫我同比比講 ：{妳好乖女，我同爸爸永遠都好愛妳。我地好希望我地將來既BB好似佢一樣咁堅強，懂事同乖女。}

Midco,

的確, 比比係好懂事好生性架, 佢同我講爸爸媽咪都好愛佢,佢比較緊張媽咪, 不過, 爸爸有時係惡D, 比比都好愛你哋, 佢冇後悔同你哋相處咗咁耐, 如果可以再選擇, 佢會再簡同你哋一齊. 佢係好想好似以前咁同你哋四圍去, 但係, 佢知自已已經老啦, 唔可能好似以前咁… (Pom: 我覺得, 比比係一般性老狗心態, 多數怕自已走咗, 剩低你哋唔知點算, 成日回首往事, 又想你哋陪多D, 亦唔排除因唔開心/ 壓力做成身體毛病. 不過, 都係果句, 有病就要睇醫生架啦)

1/ 點解成日吠；

佢知自已時日無多, 好想你哋多D抱抱同鍚鍚. 有時唔舒服同你哋講你哋又唔明… , 仲有,佢希望你哋可以儘快揾另外一隻狗代替佢.

2/ 有冇吾舒服；

有時呼吸唔多順, 個胸同心果度(狗唔識講部位名架, 佢比picture我大約係果個位)好似有D頂住咁

3/ 會吾會吾開心呢？？

佢話有時唔太開心, 唔可以成日見到你哋, 冇人陪果時感到有壓力, 唔想見到你哋因為佢咁擔心, 佢好內疚, 又怕第日佢走咗, 冇另外一隻狗照顧你哋, 唔知點好… 

請幫我同比比講 ：{妳好乖女，我同爸爸永遠都好愛妳。我地好希望我地將來既BB好似佢一樣咁堅強，懂事同乖女。}

講咗啦, 佢話佢知架啦

Feedback from owner:

Dear Pom,






好多謝妳既幫忙！！






我尋晚番到屋企同比比感覺好CLOSE， 佢好似好想同我地講野。 





我同比比講叫佢吾





洗心我地， 我地只要佢開心， 





健康就可以。佢成晚望住我地好以明白我地同佢





講野咁。






到底點樣可以再了解比比多D呢，我好想係佢有需要既時候可以幫到佢？






thank you very much !! you're so great !





midco & tony

Feedback (2)

esther, debbie ,pom， kitty  多謝關心 ！

我尋晚一路番屋企一路喊， 我冇事架！我喊係我心比比身體。

不過真係好多謝妳，我同老公都了解比比多左。尋晚我老公成晚抱住比比，
又同佢玩。我地會錫比比多D架啦！！我FEEL到佢真係收到我地既MESSAGE， 尋晚果種感覺我以前未有過架。 比比真係好叻女！

 31/10/2006

pom, 我星期日買左隻松女(四個月大中啡色）叫做糖糖，係比比揀架。

果日同比比行左荃灣幾間pet shop ,佢都冇乜反應。後來我同事打比我，因
為佢姪女係pet shop 做，佢幫我係狗場左幾隻松女出。於是我夜晚
出左銅鑼灣睇，仲同比比玩左一陣；比比初時有Ｄ驚，後來就係咁望住佢。
我覺得係佢啦，於是就買左啦。

第一日番屋企比比成日望住佢，但就吾敢行近佢；今朝起身佢地一齊玩仲
係度跑添。我覺得呢兩日比比定左好多，仲訓得好左。　

吾知佢係咪好開心呢？？POM, 若妳有時間幫我chat比比，好嗎？　thanks

開吾開心？我ＦＥＥＬ到比比當佢係ＢＢ，仲適應緊佢。不過比比真係
冇吠我啦。

 30/11/2006

比比又錫佢又驚佢， 因為比佢咬過腳仔。比比望住糖糖D眼神好慈祥架，佢好保護糖糖，一有人話佢佢就會彈起身睇發生咩事。    

但， 我屋企人都話比比乖左好多，真係似個媽咪。有時間，妳幫我CHAT with比比LA。 THANKS。