動物之心全接觸慈善日後感

2007年5月6日下午11:31公開累積瀏覽 1814

 

冇寫文章一排, 係因為我最近確實忙於練習游水, 係呀, 要考取潛水牌, 對我嚟講最難嘅一關係考體能, 要在海中不停游泳200m, 對我嚟講, 真係.....唉, 所以而家我每日放工都要去維園游最少一小時, 加上, 我答應咗個電視節目義務做動物慈善機搆research, 所以...又係要大家等, 真係唔好意思呀!  不過一直以來, 收到大家的慰問email, 很窩心呢! 多謝大家一直以來的默默支持呢 

講返今日, 有嚟到的網友應該見到, 真係人山人海, D bookings已爆滿, 真係估唔到, 大家嘅熱情真係令我好感動, 今曰短短4小時, 我做了14節(每節10分鐘), 並認識咗你哋, 仲親身見到主人同動物的感情+反應 (以往最多只可以同大家傾電話), 有好幾次, 尤其是離世動物, 講到連我都想同主人喊埋一份, 又有D十分串咀同攪笑, 仲會同主人傾條件添! 好多謝大家比咗小妹呢次機會見面, 好希望將來我再有機會見到大家

p.s.今日我知道有寵物閑情記者(6月出)到場, 有影到相嘅網友可以留意吓  另, 今晚去咗電視台幫手, 見到南丫島動物保護組織, 所以, 我已幫你哋交咗4月至今嘅捐欵啦, 多謝!