第二屆香港寵物節暨國際寵物用品博覽 - 動物傳心術介紹

2007年1月7日下午3:11公開累積瀏覽 519

小妹有幸獲主辨單位邀請於以下時間作簡短訪問及介紹, 我打算邀請埋同學仔兼好友Kwan一齊, 致於內容, 我哋仲未唸到, hehe  大家有乜好提議呢? 不過有一點我哋唔會幫人現場做, 其實有構思會找一位曾受助的朋友上台講感受 (入場唔洗錢架, 哈哈...), 有興趣人士請email我啦 (pomeranianhk@yahoo.com.hk). 其實將來我哋都會出席一些同類型訪問及介紹會, 有邊受助人可以幫手請聯絡我, 我可以安排架! 多謝!

第二屆香港寵物節暨國際寵物用品博覽

13 / 1/ 2007               4:35pm - 5:55pm (20mins)

14 / 1/2007                6:15pm - 6:35pm (20mins)

地點︰ 九龍灣國際展貿中心HALL B 及展貿廳

2007第二屆香港寵物節暨國際寵物用品博覽 – 傳心術介紹會

2007年1月13日下午11:54公開累積瀏覽 69

 

13 – 14/ 1/ 2007

卒之返到屋企兼夾服待完班老細啦, 唔知係咪人老咗呢…而家感覺…一個字…散咗! 哈哈… 今日見到好多新舊朋友, 仲有罕有見到好幾位獸醫朋友, 更加好彩, 見到我Bobby仔嘅醫生 (係呀,佢又病咗啦, 因早排天氣急降, 今次係上呼吸道問題, 成日流黃色鼻涕, 但又唔係感冒喎) 畢竟佢成8歲仔, 今年都唔知點解, 佢特別多事…唉) 亞醫生問起, 佢話唔洗覆診啦, Yeah!!!!!1

言歸正傳, 今次係我哋(我同Kwan)第一次用咁嘅形式公開介紹動物傳心術, 原來我哋D同學仔其實都幾重視今次介紹會, 經過幾次綵排, 老師再三叫我同kwan開始前做”Grounding”, 做完之後, 我哋真係冇咁緊張呢, hehe^^ 好開心見到advance class嘅同學, 咋晚佢哋義務幫我哋做Reiki, 仲到場打氣, 真係好感動呢!

另外, 令我最最最開心嘅就係….卒之見到你哋真身啦, 其實我真係冇唸過, 你哋真係會嚟, 到場同我哋相認架, 但係真係抱歉, 我哋今日真係冇乜時間詳談, 但係小妹真係開心到唔知同你哋講咩, 希望大家唔好介意呀!

其實總括嚟講, 雖然我講得唔太好, 但我感到有興趣嘅人原來唔少. 正如我之前講過, 我希望多D人去學同埋如果多D人可以用傳心術去幫助多D動物就好啦 ^0^

給所有同學仔同”準”同學仔 : 努力! 加油! 我信 - 於不久嘅將來, 我哋一定可以一齊幫到更多有需要嘅動物架!