這幾天雖然是長假期, 但卻好像比上班更忙, 家裡的電腦突然又壞了, 昨日攪了大半天, 結果還是要整台送到電腦公司維修, 現在只好暫借朋友的. 嗚嗚嗚....
一早收到了家裡小朋友們投訴, 說我陪伴時間太少了, 上星期爸爸買了一個花燈並告訴他們中秋節快到, 答應帶他們出街過節. 於是大小姐事先和弟弟Bobby相量好, 每天吵着要我帶他們出街過中秋. 他們想去的地方要有很多人 (可以絃耀一下她的花燈), 有樹和有海景的, 唉, 住我這區的, 那裏有這樣的地方呢? 經過繞讓一輪, 終於決定坐的士去鯉景灣好了.
到了鯉景灣, 果然有種行花市的感覺, 的確有很多人和狗, 找到了地方坐下, Kitty示意我把花燈舉高放, 過了一會, 便見到有其他狗過來撘訕, 這次來的是一隻兩歲的吉娃娃:
吉娃娃: 你哋新嚟架? 未見過你哋嘅?
Kitty: 咩新嚟架, 我哋只不過好耐無嚟呢度玩乍, 我個花燈靚唔靚呀?
吉娃娃: 咩花燈呀? 我唔知你講乜....
Kitty: (望吓個花燈) 果個呀, 你冇嘅咩?
吉娃娃: 我唔知呀, 冇瓜, 我想同你玩....
Kitty: (全晚無狗讚佢佢已經好嬲) 你唔好唸住想偷我個花燈呀, 要就叫你媽媽買啦, 唔玩唔玩呀, 走啦!
後來又來了一班狗主, 其中有兩位美少女看到Bobby, 愛不擇手, 又攬又抱, 好色的Bobby仔和爸爸說: 有靚女呀, 佢哋抱我呀, 好呀 (加埋好色的眼神同表情...唉...)
Kitty: 你唔洗咁大聲講啦, 佢哋唔會知你講乜架, 媽媽不如你問吓佢哋我個花燈靚唔靚啦 (又係呢句, 救命呀!!!)
其實我們真的很久沒有正式過家庭日了, 於是乎我和爸爸便整晚做了24孝... 有很多人問我, 懂動物傳心術很好呢, 起馬可以知道他們在想甚麽, 但是我是一個長期開着天線的人, 對我來說, 有時小朋友也會使自己煩得要命呢, 哈哈...
雖然小朋友有時是煩了點, 但這晚的感覺很窩心, 也令我感到自己真是要抽多些時間陪伴, 畢竟在他們的心中, 我就是他們的一切
沒有留言:
張貼留言