主人 : Cally
年齡 : 8+歲
hi :
我想麻煩你幫我問下毛毛以下問題,唔該晒 ! 麻煩晒 !
(其實我成日都問佢架,不過佢唔識答我,如果有你幫手我安心好多)
毛毛,女,8歲4個月,兩個月大個時同小白,jojo一齊係寵物店買番黎陪vicky,
寵物店話佢地係3姊妹,我都唔知係唔係,由細到大都好健康,直到今年3月
佢又嘔又抽筋,睇左好多次醫生驗左幾次血,照埋超聲波都唔知佢咩事,醫
生建議佢去照磁力共振,但係都未必搵到原因,而且我依家經濟實在唔許
可(其實我都好心痛,唔知佢會唔會怪我),近呢兩個月佢食住止抽筋藥好左
少少,但係近排間唔中2-3日就抽下筋,有時仲嘔,不過就冇之前咁犀利,所
以我好擔心.
我想問下 :
1.佢如果冇抽筋個時有冇見邊度唔舒服,因為佢有時好冇精神,但係有時
就好似過度活躍咁,唔知佢係咪食左藥攪到佢.
2.佢抽筋個時我地好似依家咁幫佢按摩,對佢有冇幫助,會唔會舒服d?
3.佢抽筋個時個感覺係點架,係咪好辛苦?
麻煩晒你呀 ! 十萬個唔該 !
1.佢如果冇抽筋個時有冇見邊度唔舒服,因為佢有時好冇精神,但係有時
就好似過度活躍咁,唔知佢係咪食左藥攪到佢.
佢抽筋時右後腳會好痛, 前肢都有時有影响, 有時左有時右, 個心會那住, 有D呼吸困難
2.佢抽筋個時我地好似依家咁幫佢按摩,對佢有冇幫助,會唔會舒服d?
按摩會對佢有幫助架, 佢叫我同你哋講(我picture有位男士同女士添)多謝!
3.佢抽筋個時個感覺係點架,係咪好辛苦?
佢叫你哋唔好太擔心, 抽筋好快會過去
Feedback from owner:
Pom :
唔該晒你呀 ! 我頭先睇你回覆既時侯抱住毛毛,我問佢係咪有個姐姐同佢傾計,跟住佢就係咁鍚我,然後我同我老公講佢都係一路鍚,跟住講完就唔錫,好神奇呀 ! 你係幾時同
佢傾計架,點解佢咁記得既? ha...ha.
另外我尋日都帶左佢去睇醫生,因為佢又抽得密左,book 左星期五去照磁力共振,希望佢冇事啦 !
最後真係十分感激你呀 ! 麻煩晒 !
Cally
沒有留言:
張貼留言