主人: Auntie
年齡 ; 12歲
*抱歉, 因事主是較年長夫婦, 故是次未能提供數碼照片, 我又冇scanner …hehe ^^
本來答應自己要先heal好自己+上完Reiki 2先可以幫其他人同動物作冶療, 唉, 但係往往都事與願違….
Auntie是我的街坊,晶晶8歲時不幸患有骨節炎, 但在這半年情况急劇惡化, 今晚收到一個Urgent call, 主人說晶晶突然响街行行吓跪咗响度, 之後, 好似冇咗知覺咁唔郁得, 仲好慘咁叫咗好耐…我收到消息後, 便馬上過去睇睇.
5分鐘後到現場, 當時約8:00pm, 一入屋, 女主人便不停的哭, 丈夫還未回家, 當時致電廖醫生, 可惜full booking, 致電其他就近診所, 似乎未有人接, 我馬上叫自己冷靜下來, 用傳意/傳心術同佢傾吓:
Pom: 你點呀?
晶晶: 我好痛, 行唔到…不過你都係唔洗理我, 不如你先叫咪咪唔好喊先啦
Pom: 傻女, 你唔痛同行得返, 咪咪就會唔喊架啦
晶晶: 係咪真架?
Pom: 係呀, 姐姐從來有冇詭過你先? 係啦, 我感到你腰中間部份同四肢闕節都好痛, 尤其後左邊,係咪呀?
晶晶: …係呀…好痛呀…嗚嗚嗚…
當Auntie不停打電話+ 哭之際, 我見晶晶又好似冇乜生命危險, 於是乎就提議同佢做一次T Touch + 靈氣冶療, 其實當時係有D怕Auntie唔信, 好在, 我真係估唔到佢竟然一口答應!
經過Auntie+晶晶同意, 我同佢用咗T Touch中的Tail Touch, Spider Touch, Python Lift Touch+ Raccon Touch, 其中佢最受落係Raccon Touch.不停地叫我做多D, 唔好停 (小姐, 你估我唔攰架咩…) 同時,我亦同佢做咗一次約30分鐘的”全身”靈氣冶療. 當時佢非常之"lum", 而我嘅感覺…手指好似比針刺/ 蟻咬般的痛…手心好熱…好似有D嘢扯住咁..哈哈, 好難用筆墨形容呢. 仲有一個奇景: Auntie另外一隻唔多友善, 會咬人同"嗚"人嘅混種犬, 竟然肯乖乖全程坐响我腳下, 仲叫我"攪"埋佢添呀, 哈哈哈
過了約30分鐘, 奇蹟地, 佢竟然慢慢郁返啦, YEAH!!!!!!!! 我竟然眼有淚光呀!!!雖然佢唔係話行得好好, 我估係因為年齡問題. 但今次嘅經驗, 絕對值得我記念, 絕對感到Very Amazing!!! 因為係我第一次幫別人的狗做冶療, 我成日都話, 我知佢哋講乜又點? 但今次我起馬自己覺得做到小小嘢.感謝Rosina老師 同Karen老師, 我終於做到了!
(不過點都好, 還是嗰句, 有病就梗係去睇醫生先啦, 今次只係好彩, 自然療法+傳意術只係輔助架咋, 所以明天一早我還要Auntie帶晶晶去見醫生架)
沒有留言:
張貼留言