松鼠仔仔Vicky

2006年11月11日下午3:56只有我累積瀏覽 00

 

主人 ; Cally

年齡 : 約10歲

Hi, Pom :

好多謝你上次同毛毛傾計,今次想麻煩你同vicky傾下,不過唔急架,

你有時間先睇下做唔做啦,因為其實係想解下d心結.

Vicky今年唔知幾多歲,我估起碼10歲以上,因為當年我係街度執佢返黎,個時佢已經係成犬,我養左佢8年半,佢初頭好驚其他狗,我懷疑佢係街度有d唔愉快既經歷,不過依家已經ok喇.

所以我想問下佢 :

1.佢仲記唔記得當年佢係同主人走失左,還是係比人遺棄係街頭.

2.自從養多左松松之後佢好似冇得佢自己一個咁開心,尤其是係jimmy仔黎左之後, 佢係咪唔鍾意佢地呀?但係佢又會同佢地玩喎 !

3.點解夜晚佢咁驚入廚房,尤其是係冇開燈個時,朝早佢又唔驚架喎!

Cally,

唔好意思, 我呢排真係好忙, 而家先有時間覆你.

1.佢仲記唔記得當年佢係同主人走失左,還是係比人遺棄係街頭.

佢年紀大, 有時會回想返以前, 佢話以前主人麻麻地鍚佢, 唔似得你哋咁, 有次前主人話同佢去街, 行行吓就唔見咗佢(我picture到係個男人), 佢都唔係好清楚究竟係同主人走失左,還是係比人遺棄呀, 佢有努力揾過佢, 可惜….佢好驚, 有做過街狗, 唸起果時要同其他狗搶嘢食, 真係好痛苦, 佢話多謝你哋救咗佢…

2.自從養多左松松之後佢好似冇得佢自己一個咁開心,尤其是係jimmy仔黎左之後,佢係咪唔鍾意佢地呀?但係佢又會同佢地玩喎 !

 佢好怕你哋養咗其他狗就唔再愛佢咁多, 加上佢嘅經歴…所以覺得佢自己一個咁開心D, jimmy仔出身同想法同佢有D距離, 加上, 佢話jimmy煩喎, vicky唔係憎佢哋, 所以都會同佢地玩

3.點解夜晚佢咁驚入廚房,尤其是係冇開燈個時,朝早佢又唔驚架喎!

佢話以前主人揾過佢黑房, 夜晚嘅廚房好似果度, 有陰影呀

Owner's feedback:

真係非常非常之感激你呀,尤其是係你呢排咁忙,真係唔該晒 !

你講得好呀,我執佢個時佢成身蝨,同埋好驚係咁震,而且我老公的確養左其他

松松之後冇咁鍚佢,我已經成日話佢架喇.